MMA döyüşçüsü Tahir Abdullayevin UFC turnirində növbəti görüşünün vaxtı müəyyənləşib.
Sport1.az xəbər verir ki, 29 yaşlı idmançı noyabrın 21-də "UFC Qatar" turnirində avstraliyalı Ceyk Matyusla üz-üzə gələcək.
UFC-də bu ilin iyununda Bakıda keçirilən "UFC Fight Night" yarışında debüt edən "tank" ləqəbli döyüşçü braziliyalı Ceferson Nasimentoya 3-cü raundda nokautla qalib gəlib.
O, MMA karyerasında 23 döyüşün 11-i nokautla olmaqla 20-də qələbə qazanıb.