Amorim sabiq yetirməsini “Milan”a aparmaq istəyir

“Milan”ın baş məşqçisi Ruben Amorim “Mançester Yunayted”in futbolçusu Amad Diallonu komandasında görmək istəyir.

Sport1.az xəbər verir ki, bu barədə “Caught Offside” nəşri məlumat yayıb.

Mənbənin iddiasına görə, portuqaliyalı mütəxəssis vaxtilə birlikdə çalışdığı 24 yaşlı cinah oyunçusunun transferində maraqlıdır. Futbolçu ilə “Brayton” və “Nyukasl” da maraqlanır.

Bununla belə, “Mançester Yunayted” Diallonu yalnız futbolçunun ayrılmaq istəməsi və ya ciddi transfer təklifi gələcəyi halda satmağa hazırdır. Bildirilir ki, “Milan”ın İngiltərə klubunun tələb etdiyi məbləği ödəməsi real görünmür.

Qeyd edək ki, Amad Diallo ötən mövsüm 33 oyunda 2 qol vurub və 4 məhsuldar ötürmə edib. Onun “Mançester Yunayted”lə müqaviləsi 2030-cu ilin yayına qədər qüvvədədir.