Federasiyadan futbolçuya cəza

Seneqal Futbol Federasiyası (FSF) milli komandanın yarımmüdafiəçisi Papu Quyeni cəzalandıracaq.

Sport1.azxəbər verir ki, bu barədə "Sport News Africa" portalı məlumat yayıb.

Xatırladaq ki, DÇ-2026-nın 1/16 finalında Belçikaya 2-3 hesabı ilə məğlub olduqdan sonra Quye Seneqal millisinin formasını geyinməyəcəyini bildirib. O, hazırkı baş məşqçinin milli komandadan ayrılana qədər geri dönməyəcəyini vurğulayıb.

Federasiya 27 yaşlı oyunçunun açıqlamalarını komandanın imicinə mənfi təsir edəcəyini düşünür. Bundan əlavə, oyunçunun komanda yoldaşlarına və FSF rəsmilərinə qarşı dəfələrlə hörmətsizlik etməkdə ittiham olunur.

Qeyd edək ki, Quye DÇ-2026-da dörd oyunda iştirak edib, 2 qol vurub və 1 məhsuldar ötürmə edib.