London klubu futbolçunu icarəyə verdi
Portuqaliyanın "Sportinq" klubu heyətini yeni futbolçu ilə gücləndirib.
Sport1.az xəbər verir ki, Lissabon təmsilçisi "Çelsi"nin vingeri Cessi Derrini "rənglərinə bağlayıb".
Bu barədə insayder Fabrisio Romano "X" sosial şəbəkə hesabında paylaşım edib.
Anlaşmaya əsasən, "Sportinq" 19 yaşlı futbolçunu 2027-ci ilin iyun ayınadək icarəyə götürüb. Maraqlıdır ki, Derri Lissabona yollanmazdan əvvəl "Çelsi" ilə uzunmüddətli yeni müqavilə imzalayıb. London klubu futbolçunun inkişaf planının bir hissəsi olaraq onun Portuqaliyada təcrübə toplamasını məqsədəuyğun hesab edib.
Qeyd edək ki, son illərdə "Çelsi" ilə "Sportinq" klubları arasında sıx əməkdaşlıq münasibətləri formalaşıb. Daha əvvəl Covani Kenda və Dario Essuqonun transferləri də məhz bu iki klubun tərəfdaşlığı çərçivəsində reallaşıb.
