3 Avropa klubu Mahir Emreli ilə maraqlanır - İDDİA

Mahir Emreli “Kayzerslautern”dən ayrıla bilər.

Sport1.az xəbər verir ki, məlumatı Almaniyanın “Südwest24” nəşri yayıb.

28 yaşlı hücumçunun klubdakı gələcəyi sual altındadır. Emreli ötən mövsümdə zədələr səbəbindən sabit çıxış edə bilməyib. 2025/26-cı "futbol ili"ni 13 oyun və 2 qolla başa vurub.

Klub rəhbərliyi onun gedişinə mane olmayacaq. Futbolçunun bazar dəyəri 700 min avro civarında qiymətləndirilir. Müqaviləsi 2027-ci ilə qədərdir.

Kiprin APOEL (Nikosiya) və Polşanın “Legiya” (Varşava) klubları Emreli ilə maraqlanır.

“Bild”in məlumatına görə, millimizin üzvü Almaniyanın “Nürnberq” klubuna da qayıda bilər.