"Tottenhem" və "Mançester Siti" bu futbolçunun transferi ilə bağlı danışıq aparır

İngiltərənin "Tottenhem" və "Mançester Siti" klubları yarımmüdafiəçi Savinyonun transferi ilə bağlı danışıqlara başlayıb.

Sport1.az insayder Fabritsio Romanoya istinadən xəbər verir ki, 22 yaşlı braziliyalı futbolçu London klubuna keçməyə müsbət yanaşır.

"Tottenhem" 2025-ci ilin yayında da Savinyonun keçidi üçün danışıqlar aparmasına baxmayaraq, həmin vaxt "Mançester Siti" futbolçunu buraxmayıb.

Qeyd edək ki, yarımmüdafiəçi 2025/2026 mövsümündə bütün turnirlərdə 36 oyun keçirib, 4 qol vurub və 3 məhsuldar ötürmə edib. "Transfermarkt" portalı onun dəyərini 40 milyon avro qiymətləndirir. Savinyonun klubla müqaviləsinin müddəti 2031-ci ilin yayına qədərdir.