​İspaniya Çempionlar Liqasına 5-ci vəsiqəni təmin etdi

İspaniya 2026/2027 mövsümündə UEFA Çempionlar Liqasının əsas mərhələsində beş komanda ilə təmsil olunacaq.

Sport1.az xəbər verir ki, bu, ​Avropa Liqası və Konfrans Liqasının dünən keçirilən yarımfinal oyunlarının nəticələrinə əsasən məlum olub.

​İspanlar qitənin bir nömrəli klub turnirinin ümumi mərhələsində əlavə yeri "Rayo Valyekano"nun Konfrans Liqasının yarımfinalında "Strasburq" üzərində qazandığı qələbə (1:0) sayəsində əldə ediblər. Bu qələbə İspaniya klubunu turnirin finalına yüksəldib.

​Xatırladaq ki, Çempionlar Liqasında iştirakçı sayının 36 komandaya çatdırılmasından sonra əsas mərhələyə iki əlavə vəsiqə, klubları əvvəlki mövsümdə UEFA əmsallar cədvəlində ən çox xal toplayan ölkələrə verilir. Daha əvvəl əlavə vəsiqəni İngiltərə təmin etmişdi.

​34 turdan sonra "Barselona" 88 xalla La Liqada liderlik edir və "Real"ı 11 xal qabaqlayır. İlk onluqda qərarlaşan komandaların sıralaması belədir:

"​Barselona" – 88 xal

"​Real"– 77 xal

"​Vilyarreal" – 68 xal

"​Atletiko" – 63 xal

"​Betis" – 53 xal

"​Selta" – 47 xal

"​Xetafe" – 44 xal

"​Atletik" – 44 xal

"​Real Sosyedad" – 43 xal

"​Osasuna" – 42 xal

"​Rayo Valyekano" – 42 xal