Dünya çempionatında nadir hadisə
2026-cı il dünya çempionatının qrup mərhələsinin II turunda keçirilən Uruqvay – Kabo-Verde (2:2) matçında maraqlı statistika qeydə alınıb.
Sport1.az xəbər verir ki, Kabo-Verde millisinin yarımmüdafiəçisi Kevin Lenini komandasının dünya çempionatları tarixində ilk qolunun müəllifi olub. “Krasnodar”ın futbolçusu 21-ci dəqiqədə cərimə zərbəsindən uzaq məsafədən dəqiq zərbə ilə hesabı açıb.
Bununla da Lenini dünya çempionatları tarixində nadir rast gəlinən uğura imza atıb. Belə ki, mundiallarda yalnız ikinci dəfə bir yığmanın ilk qolu məhz cərimə zərbəsindən vurulub.
Bu göstərici ilk dəfə 1930-cu ildə qeydə alınmışdı. Həmin vaxt Argentina millisinin futbolçusu Luis Felipe Monti Fransa yığmasının qapısına cərimə zərbəsindən qol vuraraq komandasının dünya çempionatları tarixində ilk qolunu qeyd etmişdi.
Lenini 96 ildən sonra Montinin rekordunu təkrarlayan ikinci futbolçu olub.
