Dünya çempionatında dördüncü ayrılıq

Qrup mərhələsində Əlcəzairə məğlub olan İordaniya millisi 2026-cı il dünya çempionatında mübarizəni dayandırıb.

Sport1.az xəbər verir ki, Bununla da Asiya təmsilçisi turniri vaxtından əvvəl tərk edən dördüncü komanda olub.

İordaniyadan əvvəl Tunis, Haiti və Türkiyə milliləri də dünya çempionatından kənarlaşdırılmışdılar.

Uğursuz çıxışa baxmayaraq, İordaniya yığması qrup mərhələsinin üçüncü turunda Argentina ilə qarşılaşacaq. Həmin oyun iyunun 28-də keçiriləcək.

Xatırladaq ki, 2026-cı il dünya çempionatı ABŞ, Meksika və Kanadada təşkil olunub. İyunun 11-də start götürən turnir iyulun 19-da başa çatacaq.

Argentina millisi 2022-ci ildə Qətərdə keçirilən turnirin finalında Fransanı penaltilərlə məğlub edərək hazırkı dünya çempionu ünvanını daşıyır.