Premyer Liqa klubunun futbolçusu zədələnib

"Everton"un müdafiəçisi Cerrad Brentueyt sıradan çıxıb.

Sport1.az xəbər verir ki, bu barədə "The Athletic" nəşri məlumat yayıb.

23 yaşlı futbolçu İngiltərə Premyer Liqasının 33-cü turunda "Liverpul"a qarşı keçirilən Mersisayd derbisində (1:2) sağ dizaltı vətərindən zədə alıb. Görüşün 87-ci dəqiqəsində meydanı xərəkdə tərk edən oyunçu daha sonra "Hill Dikinson" stadionundan qoltuq ağacları ilə ayrılıb.

Məlumata görə, müdafiəçinin 2026-cı il dünya çempionatında iştirak etməsi sual altına düşüb.

Qeyd edək ki, Brentueyt cari klub mövsümündə keçirdiyi 10 matçda 1 qol və 1 məhsuldar ötürmə ilə yadda qalıb.