Jo Batista: “2-ci pilləyə yüksələcəyimizə inanıram”- MÜSAHİBƏ

Misli Premyer Liqasının 28-ci turu çərçivəsində "Araz-Naxçıvan" - "Turan-Tovuz"a məğlub oldu - 0:3.

Qarşılaşmadan sonra qonaq komandanın üzvü Jo Batista Sport1.az-a müsahibə verdi. 

Həmin müsahibəni təqdim edirik... 

– Oyun haqqında düşüncələriniz?

– İlk hissədə istədiyimiz oyunu göstərə bilmədik. Fasilədə məşqçimiz bizə müəyyən tapşırıqlar verdi. İkinci hissədə isə daha yaxşı çıxış edərək istədiyimiz nəticəni qazandıq və vacib qələbə əldə etdik.

– Demək olar ki, hər qarşılaşmada həlledici qollar vurursunuz. Azarkeşlər arasında artıq sizə “joker oyunçu” deyirlər. Bu sizə necə təsir edir?

– Bu, məni sevindirir. Azarkeşlərimizin mənə dəstək olması çox xoşdur. Onların sevgisi və dəstəyi mənə əlavə motivasiya verir. Hər zaman özümü daha güclü hiss edirəm.

– Hazırda "Qarabağ" ilə xal fərqiniz çox azdır. 2-ci pilləyə yüksəlmək şansınızı necə qiymətləndirirsiniz?

– Bəli, bu, bizim üçün böyük motivasiyadır. Qarşıdakı oyunlara ciddi hazırlaşırıq. Məqsədimiz qələbə qazanaraq turnir cədvəlində 2-ci pilləyə yüksəlməkdir. Buna nail olacağımıza inanıram.

– Növbəti oyununuz "Zirə"yə qarşı Bizon Azərbaycan Kubokundadır. İlk oyunun nəticəsinə görə 2 top fərqi ilə geridəsiniz. Geri dönüş şansınızı necə görürsünüz?

– Açığı, 2 top fərqi böyük görünə bilər, amma futbolda hər şey mümkündür. Biz inanırıq ki, yaxşı oyun göstərsək bu fərqi aradan qaldıra bilərik. Komanda olaraq sona qədər mübarizə aparacağıq və finala yüksəlmək üçün əlimizdən gələni edəcəyik.

MƏHƏMMƏD HÜSEYNOV