“Arsenal” ispaniyalını icarəyə göndərməyə hazırlaşır

Kristian Moskera mövsümün sonunda “Arsenal”dan ayrıla bilər.

Sport1.az xəbər verir ki, London təmsilçisi ispaniyalı müdafiəçini icarəyə verməyi planlaşdırır.

Bu barədə insayder Ekrem Konur məlumat yayıb.

Premyer Liqanın lideri Moskeranı daha çox oyun praktikası qazanacağı və inkişaf edəcəyi bir kluba göndərmək istəyir. “Everton”, “Bornmut”, “Napoli”, “Atalanta” və “Benfika” 21 yaşlı mərkəz müdafiəçisi ilə maraqlanır.

Qeyd edək ki, “Arsenal” Kristian Moskeranı mövsümün əvvəlində “Valensiya”dan 15 milyon avroya transfer edib. İspaniya millisinin üzvü “topçular”ın heyətində 27 rəsmi matçda meydana çıxıb.