Arne Slotdan etiraf etdi
"Əlbəttə ki, daha yaxşı oynaya biləcəyimizi düşünürdük. Rəqibi təzyiq altında saxlamaqla səhv etməyə məcbur edə bilərdik".
Sport1.az xəbər verir ki, bu sözləri "Liverpul"un baş məşqçisi Arne Slot UEFA Çempionlar Liqasının 1/4 finalının ilk oyununda PSJ-yə 0:2 hesablı məğlubiyyətdən sonra təşkil edilən mətbuat konfransında deyib.
O, rəqibin daha güclü olduğunu etiraf edib: "Oyunun böyük hissəsində sanki "sağqalma rejimi"ndə idik. Amma bəlkə də bu mövsüm bütovlükdə bu rejimdəyik. Ona görə də onların güclü tərəflərini minimuma endirməyin yollarını tapmağa çalışdıq, amma belə rəqibə qarşı bu, həqiqətən çətindir. PSJ daha güclü idi, amma biz təslim olmadıq və buna görə də hələ şansımız var".
Qeyd edək ki, komandalar arasında cavab matçı aprelin 14-də "Enfild"də keçiriləcək.
