Zubir çempionluq yarışının bitmədiyini düşünür - AÇIQLAMA
“Maksimum nəticə realdır, amma addım-addım getməliyik”.
Bu sözləri Sport1.az-a açıqlamasında "Qarabağ"ın kapitanı Abdulla Zubir Misli Premyer Liqasının 26-cı turunda "Karvan-Yevlax"ı 7:0 hesablı ilə məğlub etdikləri oyundan sonra dedi
Təcrübəli futbolçu əvvəlcə görüşlə bağlı fikirlərini bölüşdü:
“Qələbə qazandıq, oyunun əvvəlindən sonuna qədər nəzarət bizdə idi. Yaxşı iş gördük. Çox xoşbəxtik.”
Vinger bu ay çətin rəqiblərə qarşı keçirəcəkləri oyunlara da toxunaraq maksimum nəticənin mümkün olduğunu bildirdi:
“Gərgin matçlar olacaq, bunu bilirik. Amma hər oyuna qələbə üçün çıxırıq. Maksimum nəticə realdır, amma addım-addım getməliyik. İlk olaraq "Şamaxı" ilə oyuna köklənmişik.”
Zubir mümkün xal itkilərinin çempionluq şanslarına təsirinə də münasibət bildirərək iddialı olduqlarını vurğuladı:
“Məqsədimiz hər matçı qazanmaqdır və sona qədər iddiamızı qoruyacağıq.”
MƏHƏMMƏD HÜSEYNOV
