Çövkən çempionatında tur arxada qaldı

Peşəkar Çövkən Liqasında 3-cü tura yekun vurulub.

Sport1.az xəbər verir ki, Azərbaycan Respublikası Atçılıq Federasiyasından verilən məlumata görə turun mərkəzi qarşılaşmasında ilk 2 oyunda qalib gəlmiş “Embawood” və “Sərhədçi” komandaları görüşüblər.

Matç sərhədçilərin 2-1 hesablı qələbəsi ilə yekunlaşıb. Günün digər oyununda “Buta Qolden” “Şamaxı”nın qapısından 5 cavabsız top keçirib. Bazar günü keçirilmiş oyunlarda səviyyə fərqi silahlanmamış nəzərlərlə hiss olunub. “Zəfər” “Xəzər”i 7-0, “Polad” isə “Omar”ı 3-0 hesabı ilə məğlub edib. “Elit”lə oyuna çıxmadığı üçün “Atilla” klubuna 0-6 hesablı texniki məğlubiyyət verilib.

3 turdan sonra “Polad”, “Sərhədçi” və “Elit” komandaları 9 xalla turnir cədvəlinə başçılıq edirlər. Daha 3 komandanın aktivində 6 xal var.

Bombardirlərin siyahısına “Polad” klubundan Şəfayət Budaqov başçılıq edir. Onun aktivində 9, komanda yoldaşı Samir Pirimovun hesabında isə 8 qol var. “Sərhədçi”nin yetirmələrindən Vahid Məmmədov 7, İbrahim Rzalı 5 qol vurub.