Əliyar nə etdiyinin fərqindədir? - YAZI
"Turan Tovuz" - "Zirə" matçında yaşananlar yeni səviyyə idi.
Oyun bakılıların 2:0 hesablı qələbəsi ilə başa çatdı. Lakin meydanda baş verənlər, biabırçı qərarlar nəticəni kölgədə qoydu.
Əliyar Ağayev oyunu idarə etdiyini düşünür, amma elə deyil. FİFA referisinin verdiyi qərarlar bir komandanın əziyyətini, bir şəhərin ümidini, minlərlə azarkeşin inamını dəyişdi. Görəsən, Əliyar nə etdiyinin fərqindədir?
Bu sualın cavabı mənə çox maraqlıdır. Bu qədər insanın haqqına girilən oyundan sonra “sadəcə səhvdir” deyib keçmək doğrudanmı asandır? Bu, qul haqqına girmək deyil?
Vəziyyət elə yerə gəlib çatıb ki, Ehtiram Quliyev kimi səbrli insan da açıq şəkildə narazılığını bildirir. Heç kim hakimlərdən qüsursuzluq istəmir. Amma hər tur təkrarlanan eyni ssenarini də “səhv” adı ilə örtmək olmur.
Bu cür hakimliklə futbolu inkişaf etdirə bilmərik. Əksinə, onu məhvə aparırıq. Əliyar kimilər də belə səhvlərlə bu prosesin daha da sürətlənməsinə səbəb olur.
MƏHƏMMƏD HÜSEYNOV
