“Qalatasaray” “Barselona”nın müdafiəçisi ilə maraqlanır

Transfer çalışmalarını davam etdirən "Qalatasaray" heyətini "Barselona"nın futbolçusu ilə gücləndirməyi planlaşdırır.

Sport1.az xəbər verir ki, "sarı-qırmızılılar" Andreas Kristensen ilə maraqlanır.

Bu barədə "Fichajes" məlumat yayıb.

"Barsa" rəhbərliyinin də əsas heyətə düşməkdə çətinlik çəkən müdafiəçi ilə yolları ayırmaq niyyətində olduğu qeyd edilib.

"Cimbom"un 29 yaşlı oyunçu üçün təklif hazırladığı və yay "transfer pəncərəsi"ndə kataloniyalılar ilə danışıqlar aparacağı gözlənilir.

Xatırladaq ki, cari mövsüm "Barselona"nın heyətində 17 oyuna çıxan danimarkalı oyunçu 1 qola da imza atıb.