Harri Keyn "Real"la oyunu buraxa bilər

"Bavariya" klubunun hücumçusu Harri Keyn aprelin 7-də "Real" ilə keçiriləcək UEFA Çempionlar Liqasının 1/4 final matçını buraxa bilər.

Sport1.az xəbər verir ki, İngiltərə millisinin baş məşqçisi Tomas Tuxel hücumçunun Yaponiya ilə oyundan əvvəl məşq zamanı yüngül zədə aldığını bildirib.

Britaniya mətbuatı zədənin ayaqda olduğunu yazsa da, Tuxel ətraflı məlumat verməkdən imtina edib. "Bavariya"nın tibbi heyəti çərşənbə günü futbolçunun vəziyyətini tam yoxlayacaq.

Qeyd edək ki, H.Keyn bu mövsüm "Bavariya"nın heyətində 40 oyunda 48 qol vurub. Bu, 30 yaşlı futbolçunun karyerasında ən yaxşı fərdi nəticəsidir.