"Qalatasaray" bu futbolçusunu icarəyə verəcək

"Qalatasaray"ın yeni transferi Armando Güner icarəyə veriləcək.

Sport1.az Türkiyə mətbuatına istinadən xəbər verir ki, 18 yaşlı futbolçuya “Anderlext” maraq göstərir.

Belçika nəhəngi yarımmüdafiəçini bir mövsümlük icarəyə götürmək üçün “Qalatasaray”la danışıqlara başlayıb. Əslində, Türkiyə çempionu da Günerin ən azından bir mövsüm başqa klubda icarə əsasında çıxış edərək, oyun praktikası qazanmasını istəyir.

Almaniyada dünyaya gələn futbolçu Argentina və Türkiyə əsillidir. İndiyə qədər Almaniya və Argentinanın aşağı yaş qruplarından ibarət yığma komandalarında oynayıb. O, “Borussiya”dan (Münhenqladbax) “Qalatasaray”a keçib və 2030-cu il iyunun 30-a qədər bu kluba məxsusdur.