“Qalatasaray” Bernardu Silvaya "elçi düşdü"

Türkiyənin “Qalatasaray” klubu İngiltərə təmsilçisi “Mançester Siti”nin portuqaliyalı futbolçusu Bernardo Silvanı transfer edə bilər.

Sport1.az  xəbər verir ki, Superliqa təmsilçisi mövsüm sonunda müqaviləsi başa çatacaq 31 yaşlı yarımmüdafiəçi üçün danışıqlara başlayıb.

Futbolçunun özü də mövsümün sonunda klubdan ayrılmaq istəyir. Hazırkı bazar dəyəri 27 milyon avro olan Silva, müqaviləsi mövsüm sonunda başa çatacaq oyunçular arasında ən qiymətlilərdən biridir.

İddialara görə, Bernardo Silvaya Avropadan bir çox klub, həmçinin Səudiyyə Ərəbistanı və MLS komandaları da maraq göstərir.

Qeyd edək ki, Bernardo Silva 2017-ci ildə “Monako”dan 50 milyon avro qarşılığında “Mançester Siti”yə transfer olunub. İngiltərə klubunda keçirdiyi doqquz mövsümdə altı Premyer Liqa çempionluğu və UEFA Çempionlar Liqası qələbəsi yaşayan futbolçu, 449 oyunla klub tarixində ən çox meydana çıxan oyunçular arasında yer alır.