"Tottenhem"in sabiq futbolçusu bu kluba baş məşqçi təyin olundu - RƏSMİ

İngiltərə millisinin və “Tottenhem”in keçmiş hücumçusu Cermeyn Defo baş məşqçi təyin olunub.

Sport1.az xəbər verir ki, o, “Uokinq”i çalışdıracaq. Bu barədə klubun rəsmi saytı məlumat yayıb.

Defo İngiltərənin 5-ci divizionunda mübarizə aparan komanda haqda fikirlərini də bölüşüb: “Uokinq” uzun tarixə və böyük potensiala malik bir klubdur. Bu layihənin bir hissəsi olduğum üçün sevincli və həyəcanlıyam. İşə başlamağı səbirsizliklə gözləyirəm”.

Futbolçu karyerası ərzində Cermeyn Defo “Vest Hem Yunayted”, “Tottenhem”, “Portsmut”, “Sanderlend”, “Reyncers” və digər klublarda oynayıb. Bu, onun baş məşqçi kimi ilk tam ştatlı karyerasıdır.