109-a çatdı, amma zirvə hələ uzaqdadır – Levandovski

“Barselona”nın hücumçusu Robert Levandovski Çempionlar Liqasının 1/8 final mərhələsinin cavab oyununda “Nyukasl”a qarşı dubl edib.

Sport1.az xəbər verir ki, qarşılaşma kataloniyalıların 7:2 hesablı qələbəsi ilə yekunlaşıb.

Təcrübəli forvard matçın 56-cı və 61-ci dəqiqələrində rəqib qapısına yol tapıb.

Bununla da polyak futbolçunun turnirdəki qollarının sayı 109-a çatıb. O, Çempionlar Liqasının bombardirləri siyahısında yalnız Lionel Messi (129) və Kriştiano Ronaldo (140, seçmə mərhələlərsiz) və ya 141 (seçmə mərhələlərlə birlikdə) göstəricilərindən geri qalaraq üçüncü pillədə qərarlaşıb.