Arbeloa “Real”la tarix yazdı
“Real”ın baş məşqçisi Alvaro Arbeloa Çempionlar Liqasında qeyri-adi nəticə ilə klub tarixində ilkə imza atıb.
Sport1.az xəbər verir ki, madridlilər ispaniyalı mütəxəssisin rəhbərliyi altında turnirin pley-off mərhələsində keçirdikləri ilk dörd görüşün hamısında qələbə qazanıblar.
Məlumata görə, “kral klubu”nun əvvəlki baş məşqçilərindən heç biri Çempionlar Liqasında bu mərhələdə startı dörd qələbə ilə etməyi bacarmayıb.
Paytaxt təmsilçisi Arbeloanın rəhbərliyi altında əvvəlcə “Benfika”nı iki oyunun nəticəsinə görə məğlub edib. Madridlilər Lissabon klubunu səfərdə 1:0, evdə isə 2:1 hesabı ilə üstələyiblər. Ardınca isə “Mançester Siti” ilə qarşılaşan komanda rəqibini doğma meydanda 3:0, səfərdə isə 2:1 hesabı ilə məğlub edib.
Qeyd edək ki, Alvaro Arbeloa bu ilin yanvarında Xabi Alonsonu əvəz edərək “Real”ın baş məşqçisi vəzifəsinə təyin olunub.
