“Bir xal da bizə kömək etməyəcəkdi” — “Ayntraxt”ın futbolçusu

Almaniyanın “Ayntraxt” klubunun futbolçusu Ansqar Knauff UEFA Çempionlar Liqasında Bakıda “Qarabağ”a 2:3 hesabı ilə məğlub olduqları oyunu şərh edib.

Sport1.az xəbər verir ki, 24 yaşlı hücumçu DAZN kanalına açıqlamasında komandasının müdafiədəki problemlərindən danışıb:

“Bizim üçün çox ağır məğlubiyyətdir. Yenə oyunun əvvəlində qapımızda qol gördük və vəziyyəti düzəltmək üçün mübarizə aparmalı olduq. Hesabda önə keçsək də, üstünlüyümüzü qoruya bilməməyimiz çox məyusedicidir. Sonda qol buraxmaq üzücüdür, amma bir xal da bizə kömək etməyəcəkdi. Bu, artıq ənənəyə çevrilib — demək olar, hər oyunda qapımızdan üç qol buraxırıq. Belə oyunlarda qalib gəlməyi öyrənməliyik”.