"Müntəzəm olaraq çempionluq uğrunda mübarizə aparan bir komanda ilə qarşılaşacağıq"

"Ayntraxt" UEFA Çempionlar Liqası Liqa mərhələsinin 7-ci turu çərçivəsində sabah Bakıda "Qarabağ"ın qonağı olacaq.

Sport1.az xəbər verir ki, Frankfurt təmsilçisinin baş məşqçisi Dennis Şmitt oyunlan əvvəl keçirilən mətbuat konfransında iştirak edib. 32 yaşlı mütəxəssisin fikirlərini diqqətinizə çatdırırıq:

"Dünən və bu gün vaxtdan səmərəli istifadə edib yaxşı çalışdıq. Uşaqlar çox yaxşı məşq etdilər və hisslərim son dərəcə müsbətdir. İrəliyə doğru böyük addımlar atmışıq. Futbolçular mənə inam göstəriblər. İndi bütün diqqətimiz Bakı səfərinə yönəlib. Dəyişdirə bilməyəcəyimiz məqamlar var. Lakin meydanda necə çıxış etməyimiz onlara aid deyil. Aktiv və cəsarətli oynamaq istəyirik. Sabah qarşıdakı həftə üçün bir növ final oyunu qazanmaq baxımından çox böyük şansımız var. Bu, sehrli bir an ola bilər və bunu səbirsizliklə gözləyirik. Rasmus Kristensen asanlıqla ruhdan düşən futbolçu deyil. O, oynamağa hazırdır və maska ilə meydana çıxacaq. Qapıda isə Kaua Santos dayanacaq.

13 il əvvəl Bakıda "Qarabağ"a qol vurmuş Aleks Meyerin məşqçilər korpusunda olması önəmlidir. Müntəzəm olaraq çempionluq uğrunda mübarizə aparan, oyun mexanizmləri formalaşmış və birbaşa futbol oynayan bir komanda ilə qarşılaşacağıq. Dərinliyi yaxşı sığortalamalı, keçid anlarından düzgün istifadə etməli və topa sahib olduğumuz vaxtlarda keyfiyyətli oyun göstərməliyik".