Çempionlar Liqası / Manşet
12:15
24.10.2025
370
"Qarabağ"ın bu turnirdə iştirak etməsi bir tarixdir" - AÇIQLAMA
Çempionlar Liqasının əsas mərhələsində 3-cü tur baş başa çatdı.
Sport1.az xəbər verir ki, “Qarabağ” səfərdə “Atletik"lə (Bilbao) ilə qarşılaşdı. Görüşdə ispanlar 2:1 hesablı qələbə qazandılar.
"Qarabağ" bu qarşılaşmada niyə uduzdu? Ağdam təmsilçisində qələbə üçün nə çatmadı? Suallarımızı Füzuli Məmmədova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:
“Oyundan əvvəl, eləcə də müxtəlif vaxtlarda dəfələrlə qeyd etmisik ki, “Atletik" pressinq tətbiq edən klubdur. Onların keçidləri çox sürətli və təhlükəli olur. 90 dəqiqə də onu göstərdi. Təmsilçimiz erkən qol vurduqdan sonra ispanlar topu özündə saxlamaqla ağdamlıları “1-ci zona”da müdafiə olunmağa məcbur etdilər. Baskların xəttlər arası əlaqələri ideal idi və cinahlardan təhlükəli hucumlar qururdular. Ağdamlılar topu ələ keçirərək hücumlar təşkil etmək istəsələr də, rəqibin sürətli pressinqi buna imkan vermirdi. “Qarabağ”ın yaxşı texnika və sürətə malik futbolçularını neytrallaşdırmışdılar. Onu da xüsusi vurğulayım ki, həm ağdamlılar, həm basklar eyni sistemdə, yəni 4-2-3-1 sxemi ilə oynayırdılar. “Atletik” hesabda önə keçmək üçün 60-cı dəqiqədə taktiki dəyişiklik etdi. Onlar 4-4-2 sxeminə keçdilər və bu effektini verdi. Meydan sahibləri iki qol vurmağı bacardılar. "Qarabağ"ın bu tempdə oynaması çətin olsa da, təmsilçimiz hesaba tarazlıq gətirmək üçün irəli atıldı. Lakin oyunda dəyişiklik edə bilmədi. Qurban Qurbanovun komandası məğlub olsa da, sona kimi döyüşdü. Zatən “Qarabağ”ın bu turnirdə iştirak etməsi və özünü yaxşı tərəfdən göstərməsi bir tarixdir".
MİRZƏ S.
Sport1.az xəbər verir ki, “Qarabağ” səfərdə “Atletik"lə (Bilbao) ilə qarşılaşdı. Görüşdə ispanlar 2:1 hesablı qələbə qazandılar.
"Qarabağ" bu qarşılaşmada niyə uduzdu? Ağdam təmsilçisində qələbə üçün nə çatmadı? Suallarımızı Füzuli Məmmədova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:
“Oyundan əvvəl, eləcə də müxtəlif vaxtlarda dəfələrlə qeyd etmisik ki, “Atletik" pressinq tətbiq edən klubdur. Onların keçidləri çox sürətli və təhlükəli olur. 90 dəqiqə də onu göstərdi. Təmsilçimiz erkən qol vurduqdan sonra ispanlar topu özündə saxlamaqla ağdamlıları “1-ci zona”da müdafiə olunmağa məcbur etdilər. Baskların xəttlər arası əlaqələri ideal idi və cinahlardan təhlükəli hucumlar qururdular. Ağdamlılar topu ələ keçirərək hücumlar təşkil etmək istəsələr də, rəqibin sürətli pressinqi buna imkan vermirdi. “Qarabağ”ın yaxşı texnika və sürətə malik futbolçularını neytrallaşdırmışdılar. Onu da xüsusi vurğulayım ki, həm ağdamlılar, həm basklar eyni sistemdə, yəni 4-2-3-1 sxemi ilə oynayırdılar. “Atletik” hesabda önə keçmək üçün 60-cı dəqiqədə taktiki dəyişiklik etdi. Onlar 4-4-2 sxeminə keçdilər və bu effektini verdi. Meydan sahibləri iki qol vurmağı bacardılar. "Qarabağ"ın bu tempdə oynaması çətin olsa da, təmsilçimiz hesaba tarazlıq gətirmək üçün irəli atıldı. Lakin oyunda dəyişiklik edə bilmədi. Qurban Qurbanovun komandası məğlub olsa da, sona kimi döyüşdü. Zatən “Qarabağ”ın bu turnirdə iştirak etməsi və özünü yaxşı tərəfdən göstərməsi bir tarixdir".
MİRZƏ S.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.