Yazı / Manşet
09:00
16.10.2025
414
Xəyal qırıqlığı - KÖŞƏ
2 gün öncə 21 yaşadək futbolçulardan ibarət Azərbaycan millisi Avropa Çempionatının seçmə mərhələsində növbəti oyununu keçirdi.
“Liv Bona Dea Arena”da Şotlandları qonaq etdik. Görüşün 79-cu dəqiqəsinə qədər hər şey istədiyimiz kimi gedirdi. Millimiz 3:2 hesabı ilə öndə idi, hətta nəticəni geridönüş edərək əldə etmişdik. Qonaq komandanın oyunun 46-cı dəqiqəsindən 10 nəfərlə oynadığını nəzərə alsaq, hər şey bizim üçün müsbət istiqamətdə irəliləyirdi.
Yığmamızın 2 qolunun müəllifi olan Xəyal Əliyev möhtəşəm oyunu ilə hər kəsi heyran edirdi. Bəlkə də içi məşqçi qarışıq, hamı artıq Cəbəllütariq millisinə qarşı oyunu düşünürdü. Amma bizim uşaqlar hesabı axıra qədər qoruya bilmədilər.
90+2-ci dəqiqədə bərabərlik qolunu vurduqdan sonra rəqib komandanın oyunçusu qol sevincini gəlib Azərbaycan millisinin texniki heyəti və ehtiyat oyunçularının qarşısında etdi. Artıq iplər yavaş-yavaş qopmağa başladı. Meydanda olmayan Xəyal Əliyev şotlandiyalının üzərinə qaçanda məşqçilər onu tutdular. Oyun bitəndən sonra isə azərbaycanlı futbolçu qonaqların üzərinə hücum edərək dava saldı. Hakim bu epizodda oyunçumuza ikisi sarıdan qırmızı vərəqə göstərdi. Bununla da kifayətlənməyən Xəyal “Liv Bona Dea Arena”dakı şüşəyə yumruq ataraq əlini zədələdi.
Rəşad Eyyubdan oyunçunun hərəkətləri barədə soruşanda intizamsızlıq edənin tərəfini tutdu. Xəyal cavandır. Bunu qəbul edirik. Amma bu qədər intizamsızlıq və düşüncəsizlik həm onun gələcək karyerasına, həm də Azərbaycan millisinin gələcəyinə çox pis təsir göstərir. Komandanın əsas oyunçusu olan Xəyalın növbəti görüşü buraxması, çox güman ki, yoldaşları arasında da ruh düşkünlüyünə səbəb olacaq.
İndidən gələcək matçı uduzsaq, baş məşqçinin mətbuat konfransında söyləyəcəklərini təxmin etmək çətin deyil: “Xəyalın cəzalı olması bizim üçün çox pis oldu, bəlkə də o olsa, qazanardıq.”
Xəyal indi anlayar ki, “Sabah”da niyə heyətə düşə bilmir. Axı hər şey istedadla qurtarmır. Bununla yanaşı, intizam və soyuqqanlılıq da çox vacibdir. Sən güclü futbolçu olmaq istəyirsənsə, öz hərəkətlərinə həmişə diqqət yetirməlisən. İndi Xəyalın etdiyi bu hərəkət həm özünə, həm də millimizə zərbə vurdu.
Amma belə baxanda, bizim AFFA da U-21-ə lazımi önəmi vermir. Müvəqqəti, yoxsa daimi olduğu belə bilinməyən, hətta İcraiyyə Komitəsinin də təsdiqləmədiyi bir şəxs tərəfindən idarə olunan yığmanın üzvlərindən başqa cür davranış gözləmək olmaz.
Bir sözlə, Şotlandiya ilə oyun sözün əsl mənasında “Xəyal qırıqlığı” idi.
HÜSEYN RƏŞADOĞLU
“Liv Bona Dea Arena”da Şotlandları qonaq etdik. Görüşün 79-cu dəqiqəsinə qədər hər şey istədiyimiz kimi gedirdi. Millimiz 3:2 hesabı ilə öndə idi, hətta nəticəni geridönüş edərək əldə etmişdik. Qonaq komandanın oyunun 46-cı dəqiqəsindən 10 nəfərlə oynadığını nəzərə alsaq, hər şey bizim üçün müsbət istiqamətdə irəliləyirdi.
Yığmamızın 2 qolunun müəllifi olan Xəyal Əliyev möhtəşəm oyunu ilə hər kəsi heyran edirdi. Bəlkə də içi məşqçi qarışıq, hamı artıq Cəbəllütariq millisinə qarşı oyunu düşünürdü. Amma bizim uşaqlar hesabı axıra qədər qoruya bilmədilər.
90+2-ci dəqiqədə bərabərlik qolunu vurduqdan sonra rəqib komandanın oyunçusu qol sevincini gəlib Azərbaycan millisinin texniki heyəti və ehtiyat oyunçularının qarşısında etdi. Artıq iplər yavaş-yavaş qopmağa başladı. Meydanda olmayan Xəyal Əliyev şotlandiyalının üzərinə qaçanda məşqçilər onu tutdular. Oyun bitəndən sonra isə azərbaycanlı futbolçu qonaqların üzərinə hücum edərək dava saldı. Hakim bu epizodda oyunçumuza ikisi sarıdan qırmızı vərəqə göstərdi. Bununla da kifayətlənməyən Xəyal “Liv Bona Dea Arena”dakı şüşəyə yumruq ataraq əlini zədələdi.
Rəşad Eyyubdan oyunçunun hərəkətləri barədə soruşanda intizamsızlıq edənin tərəfini tutdu. Xəyal cavandır. Bunu qəbul edirik. Amma bu qədər intizamsızlıq və düşüncəsizlik həm onun gələcək karyerasına, həm də Azərbaycan millisinin gələcəyinə çox pis təsir göstərir. Komandanın əsas oyunçusu olan Xəyalın növbəti görüşü buraxması, çox güman ki, yoldaşları arasında da ruh düşkünlüyünə səbəb olacaq.
İndidən gələcək matçı uduzsaq, baş məşqçinin mətbuat konfransında söyləyəcəklərini təxmin etmək çətin deyil: “Xəyalın cəzalı olması bizim üçün çox pis oldu, bəlkə də o olsa, qazanardıq.”
Xəyal indi anlayar ki, “Sabah”da niyə heyətə düşə bilmir. Axı hər şey istedadla qurtarmır. Bununla yanaşı, intizam və soyuqqanlılıq da çox vacibdir. Sən güclü futbolçu olmaq istəyirsənsə, öz hərəkətlərinə həmişə diqqət yetirməlisən. İndi Xəyalın etdiyi bu hərəkət həm özünə, həm də millimizə zərbə vurdu.
Amma belə baxanda, bizim AFFA da U-21-ə lazımi önəmi vermir. Müvəqqəti, yoxsa daimi olduğu belə bilinməyən, hətta İcraiyyə Komitəsinin də təsdiqləmədiyi bir şəxs tərəfindən idarə olunan yığmanın üzvlərindən başqa cür davranış gözləmək olmaz.
Bir sözlə, Şotlandiya ilə oyun sözün əsl mənasında “Xəyal qırıqlığı” idi.
HÜSEYN RƏŞADOĞLU
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.