Alfonso Devis: “Tez yox, təhlükəsiz şəkildə qayıtmaq istəyirəm”

“Bavariya”nın müdafiəçisi Alfonso Devis sağ dizində çarpaz bağının yırtılmasından sonra bərpa prosesindən keçməsi barədə danışıb.

Sport1.az xəbər verir ki, kanadalı vəziyyəti ilə bağlı sosial şəbəkə hesabında paylaşım edib. O, hazırda bərpa prosesinin uğurla getdiyini bildirib:

“Yaxşı qaçıram və məşq edirəm. Sağ ayağımda bir az əzələ kütləsi toplamalıyam. Həkimlər zədədən sonra bərpa müddətinin uzun olacağını deyəndə, ‘Vay, bu, uzun bir yol olacaq", - deyə düşündüm. Amma indi hər şey yaxşı görünür.”

Devis qeyd edib ki, zədələr futbolda qaçılmazdır və əsas məqsəd sağlam şəkildə geri dönməkdir:

“Kədərlənmək, şikayətlənmək və ya özünə yazığı gəlmək üçün heç bir səbəb yoxdur. Bu cür zədələr idmanın bir hissəsidir. İndi edə biləcəyim yeganə şey geri qayıtmaq üçün mübarizə aparmaqdır — tez yox, mümkün qədər təhlükəsiz şəkildə. Ümid edirəm ki, bu, bir daha təkrarlanmayacaq.”