PSJ "Real"ın oyunçusunan maraqlanır

PSJ-nin baş məşqçisi Luis Enrike "Real"ın yarımmüdafiəçisi Eduardu Kamavinqa ilə maraqlanır.

Sport1.az xəbər verir ki, bu barədə "Marca" nəşri məlumat yayıb.

İspaniyalı mütəxəssis hesab edir ki, fransalı futbolçu PSJ-nin orta xəttini gücləndirəcək və komandanın oyun sabitliyini artıracaq. "Real" rəhbərliyi isə Kamavinqanın zədələnməyə meyilli olması səbəbindən futbolçunun durumundan narahatdır. Ötən mövsüm fransalı yarımmüdafiəçi dörd zədə alıb və bərpa prosesi üçün ümumilikdə 159 gün itirib.

Qeyd edək ki, Eduardu Kamavinqa 2021-ci ildən "Real"da çıxış edir. Onun Madrid klubu ilə müqaviləsi 2029-cu ilin iyununa qədər qüvvədədir. O, ötən mövsüm bütün turnirlərdə 35 oyunda iştirak edib, 2 qol və 2 qolun ötürməsi ilə yadda qalıb.