Futbol tarixində ilk

Futbol tarixində ilk dəfə olaraq DÇ-2026-da hakim VAR-ın çağırışı və video təkrarın nəzərdən keçirilməsindən sonra sarı vərəqə qərarını ləğv edib.

Sport1.az xəbər verir ki, bu ABŞ - Paraqvay matçında yaşanıb.

Oyunun 53-cü dəqiqəsində hakim Denni Makkeli paraqvaylı Migel Almiroya qarşı foldan sonra amerikalı müdafiəçi Tim Rimə sarı vərəqə göstərib. VAR qayda pozuntusunu nəzərdən keçirib və video təkrardan sonra hakim qərarı ləğv edib və paraqvaylı yarımmüdafiəçiyə simulyasiya etdiyinə görə xəbərdarlıq edib.

Qeyd edək ki, ABŞ - Paraqvay oyunu meydan sahiblərinin 4:1 hesablı qələbəsi ilə yekunlaşıb. Bu qrupun ikinci oyununda Avstraliya Türkiyə ilə qarşılaşacaq. Matç sabah, Bakı vaxtı ilə saat 08:00-da keçiriləcək.