Serbiyalı mütəxəssis Azərbaycan klubunda çalışacaq

Serbiyalı mütəxəssis Daniel Mişiç 2026/27 mövsümündə “Ordu” İdman Klubunun fiziki hazırlıq üzrə məşqçisi vəzifəsini icra edəcək.

Sport1.az xəbər verir ki, bu barədə klubun mətbuat xidməti məlumat yayıb.

20 ildən artıq peşəkar təcrübəyə malik mütəxəssis karyerası ərzində müxtəlif ölkələrin milli komandalarında və aparıcı klublarında fəaliyyət göstərib. O, Serbiya (2013–2015, 2022–2024), İran (2017–2020), Mərakeş (2021) və Şimali Makedoniya (2021) millilərində, həmçinin Türkiyənin “Halkbank” (2024–2026), Ukraynanın “Episentr-Podolyanı” (2023/2024), Rusiyanın “Omiçka” (2015/2016), Rumıniyanın “Tomis Konstanta” (2009–2013), BƏƏ-nin “Əl-Əyn” (2007/2008) və Monteneqronun “Buduçnost Podqoritsa” (2004–2008) komandalarında çalışıb.

D.Mişiç beynəlxalq karyerası ərzində Asiya çempionatı və Asiya Oyunlarının qızıl, Dünya Böyük Çempionlar Kubokunun (“Grand Champions Cup”) və Avropa çempionatının bürünc medalları, həmçinin müxtəlif ölkələrin milli çempionatlarında titullar da qazanıb.

Qeyd edək ki, Daniel Mişiç 2024-cü ildə Parisdə təşkil olunan Yay Olimpiya Oyunlarında Serbiya millisinin fiziki hazırlıq üzrə məşqçisi kimi iştirak edib.