Azərbaycanda işləmiş məşqçi "Qarabağ"ı "Şaxtyor"a bənzətdi

"Keşlə”nin (indiki “Şamaxı”) sabiq baş məşqçisi Yuri Maksimov Konfransı Liqasının təsnifat seçmə mərhələsinin üçüncü turunda "Dinamo"nun (Kiyev) "Qarabağ"ı 1:0 hesabı ilə məğlub etməsindən danışıb.

Sport1.az xəbər verir ki, "Sport-Express.ua” portalına açıqlama verən mütəxəssis Ağdam təmsilçisini "Şaxtyor"a bənzədib:

“Qələbə qələbədir. Təəssüratlarım mütləq şəkildə müsbətdir. Məncə, İqor Kostyuk oyun üçün heyəti və taktikanı düzgün seçmişdi. Kiyev klubu müdafiədə ağıllı oynadı, “Qarabağ” isə... Bilirsiniz, onlar mənə bir qədər "Şaxtyor"u xatırlatdı: uzun müddət topa sahib çıxdılar, oyuna nəzarət edirdilər və hücumlarını hazırlamaq üçün çox vaxt sərf etdilər. Bunların hamısı boş yerə idi. İki oyunda (0-0, 0-0, penaltilərdə 4:5) ÇSKA-ya (Sofiya) qarşı bir qol belə vura bilmədilər. "Dinamo" ilə oyunda yenə eyni şey. "Qarabağ" yeni mövsümün əvvəlində o qədər də inandırıcı görünmür. Bəlkə də komanda bir növ yenidənqurma, geriləmə baş verir. Onlara bir neçə əsas oyunçunun getməsi təsir edib. Ötən mövsüm "Qarabağ" xeyli güclü idi”.