"Yuventus" aparıcı futbolçularını itirə bilər

Mövsümün sonunda Çempionlar Liqasına vəsiqə qazana bilməsə, "Yuventus" bir neçə futbolçusunu itirə bilər.

Sport1.az xəbər verir ki, bu barədə "La Gazzetta dello Sport" məlumat yayıb.

Mənbənin sözlərinə görə, "qoca sinyora" mötəbər turnirə vəsiqə qazanmasa, təxminən 60 milyon avro itirəcək. Nəticədə İngiltərə klublarının maraq dairəsində olan müdafiəçilər Federiko Qatti və Andrea Kambiaso İtaliya nəhəngini tərk edə bilər.

Müqaviləsi 2026-cı ilin yayında başa çatacaq qapıçı Mattia Perina və hücumçu Duşan Vlahoviç də çox güman ki, "Yuventus"u tərk edəcək. Serbiyalı futbolçu müqaviləni uzatmaqdan imtina edəcək. "Qoca sinyora"nın həm də hücumçular Randal Kolo Muani və Fransisko Konseysaonun anlaşmasını uzatmağa maddi imkanı olmayacaq.

Qeyd edək ki, İtaliya çempionatının 33 turundan sonra "Yuventus" 59 xalla var beşinci yerdədir. Çempionatın başa çatmasına isə 5 tur qalıb.