Bakıdakı turnirdə 11 minədək azarkeş
Bakıda təşkil olunan UFC turnirini 11 minə yaxın azarkeş izləyib.
Sport1.az xəbər verir ki, turnirə maraq ötən illə müqayisədə xeyli artıb. Ümumilikdə 11 minə yaxın bilet satılıb. Satılan biletlərin təxminən 40 faizə yaxını xarici azarkeşlərin payına düşüb. Turnirə dünyanın 72 ölkəsindən azarkeşlər qatılıb.
Milli Gimnastika Arenasında təşkil edilən gecənin əsas döyüşü Azərbaycan təmsilçisi Rafael Fiziyev ilə meksikalı Manuel Torres arasında olub. Görüş təmsilçimizin qələbəsi ilə yekunlaşıb.
Azərbaycan təmsilçilərindən Tahir Abdullayev braziliyalı Cefferson Nasimentonu, Fərman Həsənov ABŞ-dən olan Erik Nolanı üstələyib. Nazim Sadıxov isə Mateus Kamiloya (Braziliya) məğlub olub.
Qeyd edək ki, Azərbaycanda UFC turniri ilk dəfə ötən il təşkil edilmişdi.
