Levandovskinin karyerasında yeni mərhələ
Polşalı hücumçu Robert Levandovski karyerasını MLS-də davam etdirəcək.
Sport1.az xəbət verir ki, futbol insayderi Fabritsio Romanonun yaydığı məlumata görə, 37 yaşlı forvard ABŞ "Çikaqo Fayr" klubu ilə şifahi razılıq əldə edib. Bildirilib ki, "Barselona"dan ayrılan Levandovski Amerika klubuna azad agent kimi qoşulacaq. Təcrübəli hücumçu bir neçə klubdan təklif almasına baxmayaraq, seçimində məhz "Çikaqo Fayr"a üstünlük verib.
Mənbənin məlumatına əsasən, futbolçu təxminən 15 gün əvvəl ABŞ-a səfər edərək şəhərlə və klubun infrastrukturu ilə yaxından tanış olub.
Levandovski ötən mövsüm "Barselona"nın heyətində bütün turnirlərdə 46 oyunda iştirak edib, 19 qol vurub. O, komanda ilə birlikdə İspaniya çempionu olub və İspaniya Superkubokunun qalibi adını qazanıb.
