Afrika komandasından rekord
Kabo-Verde millisi dünya çempionatları tarixində yeni rekorda imza atıb.
Sport1.az xəbər verir ki, bu barədə ESPN məlumat yayıb.
Mənbənin sözlərinə görə, Kabo-Verde pley-off mərhələsinə vəsiqə qazanan əhalisi ən az olan ölkədir. Ada ölkəsinin əhalisi təxminən 525.000 nəfərdir.
Dünya çempionatı tarixində final mərhələsində əhalisi daha az olan yalnız iki ölkə iştirak edib: İslandiya (2018, təxminən 370.000) və Kurasao (hazırkı dünya çempionatı, təxminən 160.000) - hər iki komanda qrup mərhələsindən yüksələ bilməyib.
Qeyd edək ki, Afrika təmsilçisi üç xalla pley-off mərhələsinə yüksəlib və qrupunda ikinci yeri tutub. Onlar İspaniya (0-0), Uruqvay (2-2) və Səudiyyə Ərəbistanı (0-0) ilə heç-heçə etməyi bacarıblar.
Səudiyyə Ərəbistanı H qrupunda üç oyundan iki xal qazanaraq dördüncü yeri tutub və turniri tərk edib. İspaniya yeddi xalla birinci, Uruqvay isə iki xalla üçüncü yeri tutub.
