Niderlanddan qalibiyyət, Yaponiyadan heç-heçə

Futbol üzrə dünya çempionatının F qrupunda üçüncü turun oyunu baş tutub.

Sport1.az xəbər verir ki, Tunis millisi Niderlandla üz-üzə gəlib.

Qarşılaşma Avropa təmsilçisinin 3:1 hesablı qələbəsi ilə başa çatıb. Elye Skiri avtoqolla (3-öz qapısına) Niderlandı hesabda önə çıxarıb. Brayan Brobbi (7) və Yan Paul van Heke (62) isə "narıncılar"ın digər iki qolunun müəllifi olub. Tunisin heyətində 54-cü dəqiqədə Hazem Masturi adını tabloya yazdırıb.

Niderland bu qələbə sayəsində qrup mərhələsini lider kimi başa vurub.

Yaponiya isə İsveçlə heç-heçə edib - 1:1. 

Matçda vurulan hər iki qol ikinci yarıya təsadüf edib. Əvvəlcə "gündoğar ölkə"nin millisi fərqlənib .Daydzen Maeda 56-cı dəqiqədə yaponları hesabda önə çıxarıb. Ancaq onların sevinci çox şəkməyib. 6 dəqiqə sonra, daha dəqiq desək, 62-də avropalılar hesabı bərabərləşdiriblər.

Bu görüşdən sonra Yaponiya 5 xalla qrup ikincisi kimi pley-offa vəsiqə qazanıb.