İslandiya Futbol Federasiyasının uğurlu layihəsi olan "Qarabağ"ın rəqibi - YAZI

"Qarabağ"a Avropa Liqasının I təsnifat mərhələsində çox asan rəqib düşdü. "Vestri" Ağdam təmsilçisinə boy göstərəcək komanda deyil.

Təsəvvür edin ki, "Qarabağ"ın rəqibi bizim "Mingəçevir", "Səbail", "Şahdağ Qusar", "Baku Sportinq", MOİK, "Cəbrayıl"dır. "Vestri" İslandiya 2-ci liqasında çıxış edir.

AL-də nə gəzirlər? Çünki 2025/26 mövsümündə İslandiya Kubokunun qalibi olub. Püşk nəticəsində də "Qarabağ"a rəqib oldular.

Təxminən 2 milyon manat büdcəsi olan II Liqa təmsilçisi necə kubokun qalibi olub?

Çünki İslandiyanın 2-ci Liqasında mənasız legioner limiti yoxdur. Komandalar istənilən sayda xarici oyunçu ilə müqavilə bağlaya və onları oyuna çıxara bilərlər. Federasiya tərəfindən klubların qarşısına meydanda və ya ərizədə xarici oyunçu sayına görə heç bir məhdudiyyət qoyulmayıb. Bunun sayəsində də 2-ci Liqa klubları ölkə Kubokunun qalibi olurlar.

Bəs necə olur ki, İslandiya millisi Azərbaycandan güclüdür? Onlar nətər yığmada oynamağa futbolçu tapırlar? Niyə islandlar Avropanın nəhəng klublarında çıxış edirlər?

Çünki İslandiya Futbol Federasiyasını özünü intellektual adlanan zümrə idarə etmir. Qurum klubların qarşısına şərt qoyub ki, iştirak ərizəndə öz yetişdirdiyin futbolçu mütləq olmalıdır. Bu səbəbdən də ölkədə kifayət qədər normal oyunçu yetişir. Onlar da Avropaya axın edirlər.

İLKİN SULTANLI