Dünya çempionatından sonra "Liverpul"a qayıdacaq

"Əl-Hilal"ın hücumçusu Darvin Nunes 2026-cı il Dünya Kubokundan sonra "Liverpul"a qayıda bilər.

Sport1.az xəbər verir ki, bu barədə "Carve Deportiva" məlumat yayıb.

Bildirilir ki, uruqvaylı hücumçu turnirdən dərhal sonra sabiq İngiltərə klubuna üz tutacaq. Futbolçunun komandada artan rəqabət, xüsusilə də Kərim Benzemanın heyətə qoşulmasından sonra "Əl-Hilal"dan ayrılmaq qərarına gəldiyi vurğulanır.

Tərəflər artıq müqavilənin vaxtından əvvəl ləğv edilməsi barədə ilkin razılığa gəliblər. Bu razılaşma oyunçunun Səudiyyə Ərəbistanı təmsilçisini azad agent kimi tərk etməsinə şərait yaradacaq.

Arxada qalan mövsümdə 26 yaşlı forvard "Əl-Hilal"ın heyətində 24 matça çıxıb, 9 qol və 5 məhsuldar ötürmə ilə yaddan qalıb.

Xatırladaq ki, Səudiyyə klubu ötən yay Nunezi "Liverpul"dan 53 milyon avro qarşılığında transfer etmişdi.