13 ölkədən narazılıq
Bir neçə milli komanda UEFA prezidenti Aleksandr Çeferinin şərhlərinə cavab olaraq birgə məktub imzalayıb.
Sport1.az xəbər verir ki, bir müddət əvvəl Çeferin açıqlamasında dünya çempionatında iştirakçı sayının artırılmasının qrup mərhələsində maraqsız oyunlara səbəb olduğunu bildirmişdi.
Kabo-Verde, Kurasao, Özbəkistan, Konqo Demokratik Respublikası, Haiti, Əlcəzair, Tunis, Mərakeş, Misir, Qana, Seneqal, Cənubi Afrika və Kot-d'İvuar milli komandaları birgə bəyanat imzalayıblar:
"Biz bu cür şərhləri qəti şəkildə rədd edirik. Dünya çempionatına vəsiqə qazanmaq hər bir ölkə üçün tarixi bir nailiyyətdir və bir çox nəsillərin arzularının gerçəkləşməsidir. Turnirə qataılmaq, onilliklərdir milli komandalarının dünya çempionatında iştirakını gözləyən milyonlarla azarkeş üçün də böyük əhəmiyyət kəsb edir.
Oyunçuların, məşqçilərin və azarkeşlərin səylərinin belə yüksək vəzifəli futbol rəsmisi tərəfindən daha az əhəmiyyət kəsb etməsi təklifi bizi məyus edir. Futbol qlobal miqyasda inkişaf etməli, ildən-ilə tək bir qrup komandanın iştirakı ilə məhdudlaşmamalıdır. Turnirə vəsiqə qazanan bütün komandalar hörmətə layiqdir. Bu cür turnirlərdə hər bir matç vacibdir", - bəyanatda qeyd olunub.
