PSJ-nin satmaq istədiyi futbolçu

Fransanın PSJ klubu futbolçusu Bredli Barkola ilə yollarını ayıra bilər.

Sport1.az ölkənin məşhur "Lequipe" nəşrinə istinadən xəbər verir ki, ölkə çempionu yay transfer dönəmində 23 yaşlı vingeri satmaq ehtimalını nəzərdən keçirir.

Fransalı oyunçu müntəzəm olaraq əsas heyətdə yer almaq istəyir. Lakin Paris təmsilçisi ona bununla bağlı zəmanət vermir.

PSJ futbolçunun mümkün transferindən 100 milyon avrodan çox gəlir əldə etmək niyyətindədir. İngiltərənin "Liverpul" və "Arsenal" klubları futbolçu ilə maraqlanır.

Xatırladaq ki, Bredli Barkola ötən mövsüm 49 oyuna 13 qol və 7 məhsuldar ötürmə ilə yadda qalıb. Onun müqaviləsinin müddəti 2028-ci ilin yayınadək qüvvədədir.