Niderland millisi Özbəkistanı çətinliklə məğlub etdi

DÇ-2026-nın iştirakçıları olan Niderland və Özbəkistan milli komandaları yoxlama oyununda üz-üzə gəliblər. 

Sport1.az xəbər verir ki, Nyu-Yorkda baş tutan görüş dramatik sonluqla yekunlaşıb. 

Niderland yığması azlıqda qaldıqdan sonra 90+2-ci dəqiqədə qapısında qol görüb. Buna baxmayaraq, son saniyələrdə “narıncılar” qələbə qolunu vurmağa müvəffəq olublar. 

Niderland - Özbəkistan - 2:1

Qollar: Qakpo, 32-pen. (1:0), Sergeyev, 90+2 (1:1), Qakpo, 90+7-pen. (2:1)

Qırmızı vərəqə: Til, 87 (Niderland)

Qeyd edək ki, bu, komandaların mundial öncəsi son yoxlama görüşü idi. Niderland yığması dünya çempionatında ilk oyununu iyunun 15-də Yaponiyaya, Özbəkistan isə iyunun 18-də Kolumbiyaya qarşı keçirəcək.