Cəlal Hüseynov: “Sabahkı oyunda qalib gələcəyimizə inanırıq”

Futbol üzrə Azərbaycan milli komandası yoldaşlıq oyunu çərçivəsində iyunun 9-da Macarıstanın Sombatxey şəhərində yerləşən “Haladaş” stadionunda San Marino yığması ilə qarşılaşacaq.

Sport1.az xəbər verir ki, oyundan öncə keçirilən mətbuat konfransında millimizin müdafiəçisi Cəlal Hüseynov bir sıra açıqlamalar verib:

“Mövsümün ardından toplanış keçmək futbolçular üçün bir az çətin olur. Buna baxmayaraq, düşərgədə yaxşı atmosfer var. Məqsədimiz Millətlər Liqasına uğurlu hazırlaşmaqdır. Məşqlərdə göstərdiyimiz performans da yaxşıdır. Sabah keçirəcəyimiz oyunda qalib gəlmək istəyirik. Sona qədər əlimizdən gələnin ən yaxşısını edəcəyik”.