Niderland klubu Van Persini göndərdi

Niderland nəhəngi “Feyenoord” baş məşqçisi Robin van Persi ilə yollarını ayırıb.

Sport1.az xəbər verir ki, Rotterdam təmsilçisi 42 yaşlı mütəxəssisin müqaviləsinə xitam verib.

Komanda mövsümü Erediviziyada ikinci pillədə başa vuraraq Çempionlar Liqasına vəsiqə qazansa da, klub rəhbərliyi Van Persinin işini qənaətbəxş hesab etməyib. Qərarın direktorlar şurasının iclasından sonra verildiyi bildirilir.

Klub açıqlamasında 2026/2027 mövsümünə yeni baş məşqçi ilə başlayacağını bəyan edib.

Qeyd edək ki, Van Persi 2025-ci ilin fevralından “Feyenoord”u çalışdırırdı. Onun klubla müqaviləsi 2027-ci ilin yayına qədər qüvvədə idi.