“Atletiko Madrid”in hücumçusu İtaliya nəhənginə keçir

İspaniya təmsilçisi “Atletiko Madrid”in futbolçusu Aleksandr Sörlot İtaliyanın “Yuventus” klubuna keçə bilər.

Sport1.az xəbər verir ki, jurnalist Matteo Morettonun məlumatına görə, 30 yaşlı norveçli forvard A Seriyası təmsilçisi ilə şəxsi müqavilənin şərtlərini razılaşdırıb.

Hazırda Turin klubu futbolçunun transferi ilə bağlı “Atletiko” ilə danışıqlara başlayıb.

Qeyd edək ki, Madrid klubu Sörlotu 2024-cü ilin yayında “Vilyarreal”dan 32 milyon avroya transfer etmişdi. Hücumçu 2025/26 mövsümündə bütün turnirlərdə 54 matçda 20 qol vurub. Onun “Atletiko” ilə müqaviləsi 2028-ci ilin iyununa qədərdir.