Milli komandalarda ən çox qol vuran 5-ci futbolçu oldu

Belçika millisinin hücumçusu Romelu Lukaku yığmadakı qol sayını 90-a çatdırıb.

Sport1.az xəbər verir ki, o, yoldaşlıq oyunu çərçivəsində Xorvatiyaya qalib gəldikləri (2:0) görüşdə fərqlənib.

"Napoli"nin hücumçusu 90+6-cı dəqiqədə rəqib qapısına yol tapıb.

33 yaşlı forvard 90 qola 125-ci matçında çatıb. Təcrübəli oyunçu milli komandaların heyətində ən çox qol vuran 5-ci futbolçu olub.

Bu göstərici üzrə rekord portuqaliyalı Kriştiano Ronaldoya məxsusdur - 143 qol. 116 dəfə fərqlənən Argentina millisinin üzvü Lionel Messi 2-ci yerdədir. 3-cü yerdə İranın yığmasının keçmiş hücumçusu Əli Daei (108), 4-cü pillədə isə hindistandanlı hücumçu Sunil Çetridir (95).