PFL-in uğurlu statistikası: Milyonların izlədiyi 5 oyun
Azərbaycan futbolunda bir mövsümün daha sonuna yaxınlaşırıq.
Yola saldığımız ötən ay, yəni aprel hər bir azarkeş üçün futbol bayramı oldu desək, yanılmarıq.
“Qarabağ”ın tam 5 oyunu bu şənliyə tuş gəldi. Qarşılaşmalar da adi komandalarla deyil, rəqabət, intriqa baxımından maraqla gözlənilən görüşlər idi. “Köhlən atlar” bu görüşlərdən 3-nü cari "futbol ili"ndə Misli Premyer Liqasının qızıl medallarına sahib çıxan “Sabah”a qarşı keçirdi. Ağdam təmsilçisi qalan 2 oyununda isə “Neftçi” ilə üz-üzə gəldi.
Yuxarıda futbol bayramı fikrini əbəs yerə səsləndirmədik. Azarkeşlərin bu qarşılaşmalara yüksək maraq göstərməsi bunu deməyimizə əsas verir.
Sport1.az olaraq bu görüşlərin ctimaiyyət tərəfindən nə qədər izlənildiyini hesabladıq.
“Qarabağ”ın “Sabah” və “Neftçi”yə qarşı keçirdiyi son 5 oyunu ümumilikdə stadionlardan 64 min 338 tamaşaçı seyr edib.
Bu matçlara sosial platformalarda da böyük maraq olub. “Qarabağ”ın sözügedən 5 oyunu yutub platforması üzərindən ümumilikdə 1 milyon 634 min 774 dəfə canlı izlənib.
Görüşlərin icmallarına da bacanların sayı az deyil. 5 matçın videoicmalları ümumilikdə 169 min baxış yığmağı bacarıb.
Peşəkar Futbol Liqasının oyunlarla bağlı statistikasını təqdim edirik:
03.04.2026 | Saat 20:00
Tofiq Bəhramov adına Respublika stadionu
Azərbaycan Kuboku, yarımfinal ilk oyunu
“Sabah” 2:2 “Qarabağ”
Stadion tamaşaçısı: 21 min
Yutub canlı yayımı: 336 min baxış
Oyun icmalı: 50 min baxış
18.04.2026 | Saat 19:30
Tofiq Bəhramov adına Respublika stadionu
Misli Premyer Liqası, 28-ci tur
“Sabah” 1:0 “Qarabağ”
Stadion tamaşaçısı: 17 min 338
Yutub canlı yayımı: 266 min 774 baxış
Oyun icmalı: 22 min baxış
22.04.2026 | Saat 20:00
Bank Respublika Arena
Azərbaycan Kuboku, yarımfinal cavab oyunu
“Sabah” 2:1 “Qarabağ”
Stadion tamaşaçısı: 8700
Yutub canlı yayımı: 432 min baxış
Oyun icmalı: 40 min baxış
26.04.2026 | Saat 19:00
Palms Sports Arena
Misli Premyer Liqası, 29-cu tur
“Neftçi” 1:5 “Qarabağ”
Stadion tamaşaçısı: 9500
Yutub canlı yayımı: 287 min baxış
Oyun icmalı: 29 min baxış
30.04.2026 | Saat 20:00
Palms Sports Arena
Misli Premyer Liqası, 21-ci tur (təxirə salınmış oyun)
“Neftçi” 2:1 “Qarabağ”
Stadion tamaşaçısı: 7800
Yutub canlı yayımı: 313 min baxış
Oyun icmalı: 28 min baxış
Bütün rəqəmləri topladıqda isə ortaya maraqlı statistika çıxır. Stadion tamaşaçıları, canlı yayımlar və oyun icmalları birlikdə hesablandıqda, 5 oyun ümumilikdə 1 milyon 868 min 112 baxış və izləyici sayı ilə diqqət çəkib.
Burada Peşəkar Futbol Liqasının əməyini də xüsusi qeyd etmək lazımdır. Qurum fəaliyyət göstərdiyi dövrdən etibarən Azərbaycan futbolunun inkişafı və daha yüksək səviyyəyə qalxması üçün çalışır. Yuxarıdakı statistikalar da bunun bariz nümunəsidir. Azarkeşlərin PFL-in yutub və digər sosial media hesabları vasitəsilə oyunları canlı izləməsi Azərbaycan futboluna marağın son illərdə əhəmiyyətli dərəcədə artdığını bir daha göstərir.
MİRZƏ SAKİT
