Latviyadan “Sabah”a xüsusi təbrik

Latviyanın RFŞ klubu Valdas Dambrauskası Azərbaycan çempionu olması münasibətilə təbrik edib.

Sport1.az xəbər verir ki, bu barədə Riqa təmsilçisinin mətbuat xidməti məlumat yayıb.

Açıqlamada deyiıir:

"Klubun sabiq çalışdırıcısının nailiyyətinə xüsusi diqqətimizdədir. Dambrauskasın rəhbərliyi altında “Sabah” ölkə çempionluğunu vaxtından əvvəl təmin etməklə yanaşı, sabit və uğurlu çıxışı ilə seçilir. Komanda həm Çempionlar Liqasında böyük uğurlar qazanan “Qarabağ”ı qabaqladı, həm də tarixində ilk dəfə ölkə çempionu oldu. Ən maraqlısı isə budur ki, kollektiv ardıcıl 32 oyundur məğlub olmur. Dambrauskas mövsümün başa çatmasına 4 tur qalmış bu tarixi nəticəyə imza atdı. 2019-cu ildə klubumuza ilk kuboku qazandıran sabiq məşqçimizi təbrik edir, ona daha böyük uğurlar arzulayırıq!”

Qeyd edək ki, litvalı mütəxəssis 2017–2020-ci illərdə RFŞ-ə rəhbərlik edib və bu müddətdə komandanı Latviya kubokunun qalibi edib.