İqtisadiyyat Nazirliyi bu futbol klubunun ləğv olunduğunu AÇIQLADI

Azərbaycan çempionatında vaxtilə çıxış etmiş “Karat” futbol klubu rəsmi şəkildə fəaliyyətini dayandırıb.

Sport1.az xəbər verir ki, bununla bağlı məlumat İqtisadiyyat Nazirliyi yanında Dövlət Vergi Xidmətinin “Vergilər” qəzetində dərc olunub.

Bildirilib ki, klubun kreditorları iki ay müddətində öz tələblərini Bakı şəhəri, Yasamal rayonu, Murtuza Muxtarov küçəsi 201 ünvanına təqdim edə bilərlər.

Qeyd edək ki, “Karat” Azərbaycan çempionatının yüksək dəstəsində yalnız 2004/2005 mövsümündə mübarizə aparıb. Komanda mövsümü 10-cu pillədə başa vursa da, fəaliyyətini dayandırdığı üçün aşağı liqaya düşməkdən xilas olan MOİK elitada qalmaq imkanı əldə edib. Həmin mövsüm Azərbaycan Kubokunda isə “Karat” əvvəlcə 1/8 finalda iki oyunun nəticəsinə əsasən “Kəpəz”i mübarizədən kənarlaşdırsa da, 1/4 final mərhələsində “İnter”ə (indiki “Şamaxı”) uduzaraq turnirlə vidalaşıb.