Azərbaycanda bu federasiyanın rəhbəri istefa verdi - SON DƏQİQƏ
Mərkəz Regional Futbol Federasiyaları İctimai Birliyinin prezidenti Nadir Quliyev vəzifəsindən istefa verib.
Sport1.az xəbər verir ki, 2006-cı ildən etibarən quruma rəhbərlik edən Nadir Quliyev bu müddət ərzində regionlarda futbolun inkişafı, gənclərin idmana cəlb olunması və futbol infrastrukturunun genişləndirilməsi istiqamətində mühüm işlərin görüldüyünü bildirib. O, fəaliyyət dövründə göstərilən etimada və əməkdaşlığa görə həmkarlarına təşəkkür edib.
Nadir Quliyev bildirib ki, fəaliyyət istiqamətini dəyişdiyi üçün öz xahişi ilə vəzifəsindən ayrılmaq qərarına gəlib.
Sabiq prezident qurumun gələcəkdə də uğurla fəaliyyət göstərəcəyinə və Azərbaycan futbolunun inkişafına töhfə verməyə davam edəcəyinə inandığını qeyd edib.
Qeyd edək ki, Mərkəz Regional Futbol Federasiyaları İctimai Birliyi regionlarda futbolun inkişafında mühüm rol oynayan təşkilatlardan biridir.
